A visita técnica previa será efectuada por persoal técnico do Consorcio da Cidade Santiago de Compostela para comprobar o estado da edificación antes do inicio das obras, asesorar ao solicitante sobre as posibilidades de mellora na rehabilitación do edificio ou vivenda e explicar a normativa de concesión de subvencións.
Na solicitude de visita técnica previa os solicitantes autorizarán ao Consorcio da Cidade de Santiago de Compostela a poder realizar visitas de seguimento durante a execución da intervención.
O obxecto de ditas visitas será ofrecer asesoramento “in situ” ao solicitante e facer seguimento da obra cando se considere necesario.
Solo serán subvencionables as intervencións que dispoñan dunha visita técnica previa á execución de dita actividade nas que se informe que dito inmoble require das obras de intervención propostas e respecto das cales se teña autorizado o seu seguimento.
